(باخبر سوات ڈاٹ کام) سوات کی تحصیل خوازہ خیلہ کے علاقہ مشکومئی میں پانی کے تنازع پر فریقین کے مابین فائرنگ سے دو افراد جاں بحق اور 7 زخمی ہوگئے۔ پولیس کے مطابق فریقین کے درمیان فائرنگ کا تبادلہ ہوا، جس کے نتیجے میں فریقِ اول سے مراد ولد مومن اور فریقِ دوم سے ابوذر ولد محمد زادہ موقع پر جاں بحق ہوگئے۔ فریقِ اول سے مومن، مظفر ولد شیر داد، سلیمان ولد امیر محمد ساکن گاشکوڑ، جنت گل ولد جمعہ گل ساکن مینگورہ، اسدا للہ ولد خالد عثمان ساکن بٹخیلہ، فریقِ دوم سے محمد زادہ ولد سرزمین ساکن مشکومئی شدید زخمی ہوگئے، جن کو طبی امداد کے لیے ہسپتال منتقل کردیا گیا۔ پولیس نے فریقین کے خلاف مقدمہ درج کرکے تفتیش شروع کردی۔
Swat