کبل(باخبر سوات ڈاٹ کام) سوات کی تحصیل کبل کے علاقہ سر سینئی میں 28 سالہ نوجوان نے 11 سالہ بچے کے ساتھ جنسی زیادتی کی کوشش کی۔ پولیس کے مطابق ملزم درویش گیارہ سالہ پڑوسی بچے کو بہانے سے اپنے گھر لے گیا، جہاں کوئی موجود نہیں تھا۔ جہاں اس نے بچے کو جنسی تشدد کا نشانہ بنانے کی کوشش کی۔ بچے کی چیخ و پکار کے بعد ملزم ڈر گیا اور بچہ بھاگنے میں کامیاب ہوگیا۔ بچے نے گھر جاکر والدین کو بتادیا جس کے بعد والدین نے پولیس کو اطلاع دی۔ پولیس کے مطابق انہوں نے ملزم کو گرفتار کرکے اس کے خلاف ایف آئی آر بھی درج کرادی ہے۔
نوجوان کی 11 سالہ بچے کے ساتھ جنسی زیادتی کی کوشش
