(باخبر سوات ڈاٹ کام) سوات میں ٹریفک کے دو مختلف حادثات میں ایک شخص جاں بحق اور پانچ افراد زخمی ہوگئے۔ سیدو شریف میں والئی سوات کی حویلی کے سامنے کیری ڈبہ اور موٹر سائیکل میں تصادم کے نتیجے میں موٹر سائیکل سوار عبدالرحیم سکنہ مکان باغ مینگورہ جاں بحق اور دوسرا موٹر سائیکل سوار عبید اللہ زخمی ہوگیا۔ کیری ڈبہ میں سوار تین افراد اسد، ذیشان اور عبدالودود بھی زخمی ہوگئے۔ تحصیل کبل کے علاقہ خیر آباد میں تیز رفتار ہائی ایس کی ٹکر سے موٹر سائیکل سوار رحمت علی زخمی ہوگیا ۔ تمام زخمیوں کو طبی امداد کے لئے ہسپتال منتقل کردیا گیا ۔
Swat