مینگورہ (باخبر سوات ڈاٹ کام) سوات کے بیشتر علاقوں میں سات گھنٹے سے زائد بجلی کی طویل بندش سے کاروبار زندگی معطل اورصارفین کو مشکلات کا سامنا رہا۔ بدھ کی صبح سات بجے سے دوپہر دو بجے تک بیشتر علاقوں میں بجلی بند رہی جس کی وجہ سے کاروبار زندگی معطل رہا ۔ بجلی نہ ہونے کی وجہ سے لوگوں کو پانی کی سپلائی بھی نہ ہوسکی۔ اس سلسلے میں جب پیسکو کے دفتر سے رابطہ کیا گیا تو انہوں نے کہا کہ ضروری مرمت کی وجہ سے بجلی کو بند کیا گیا تھا۔
بجلی کی طویل بندش سے صارفین کی چیخیں نکل گئیں
