روڈ توسیعی منصوبہ بارے ذاتی جائیداد کی مسماری افسوسناک ہے،شہر یار امیر زیب

(باخبر سوات ڈاٹ کام) پاکستان پیپلز پارٹی کے مرکزی رہنما شہزادہ میانگل شہریار امیرزیب نے کہا ہے کہ روڈ توسیعی منصوبہ خوش آئند ہے، مگر اس کے نتیجے میں لوگو ں کی ذاتی جائیدادوں کی بلامعاوضہ مسماری افسوسناک ہے۔ تمام عمر کی جمع پونجی سے غریب لوگوں نے اپنے سروں پر چھتیں تعمیر کی ہیں۔ ان خیالات کا اظہارانہوں نے سیدوشریف میں مختلف متاثرہ وفود سے گفتگو کے دوران کیا۔ انہوں نے کہا کہ سوات کی ترقی کیلئے کیا جانے والا ہر اقدام قابل ستائش ہے، مگر غریب عوام کی مجبوریوں اور مسائل کو بھی مدنظر رکھا جائے۔ روڈ توسیع کی زد میں آنے والی املاک کے نقصانات کے ازالے کے لیے اعلیٰ حکام سے بات چیت ہوگی