(باخبر سوات ڈاٹ کام) سوات پولیس نے کمسن ڈرائیوروں کے خلاف گرینڈ آپریشن کا آغاز کردیا۔ پہلے دن مینگورہ شہر میں دو سو پچاس سے زائد کمسن ڈرائیوروں کو پکڑ کر ان کے والدین سے آئندہ کم عمری میں ڈرائیونگ نہ کرنے کے حلف نامے لے لیے۔ ڈی ایس پی سٹی حبیب اللہ کے مطابق ڈی پی او سوات کی ہدایت پر اس آپریشن کا آغاز کیا گیا ہے جس میں ضلع بھر میں کم سن ڈرائیوروں کو پکڑ کر ان کے والدین سے آیندہ کم عمری میں ڈرائیونگ نہ کرنے کا حلف نامہ لے کر چھوڑا جائے گا۔ اگر کوئی کم سن دو بارہ ڈرائیونگ کرتے پکڑا گیا، تو پھر بچے کے والد کے خلاف قانونی کارروائی کی جائے گی۔ انہوں نے والدین سے اپیل کی کہ وہ اپنے بچوں کو موٹر کار، موٹر سائیکل وغیرہ نہ دیں اور ان کو کم عمری میں ڈرائیونگ سے روک کر ان کی جان بچائیں۔
Swat