شدید بارشیں، برساتی نالے بپھر گئے، کروڑوں کا نقصان

سوات (باخبر سوات ڈاٹ کام) سوات میں رات گئے شدید بارشوں کے بعد ندی نالے اور سڑکیں تالاب میں بدل گئیں۔ برساتی نالے نکل آنے سے یونین کونسل امانکوٹ، رحیم آباد اور سیدوشریف سمیت کئی علاقوں میں پانی گھروں اور دکانوں میں داخل ہونے سے کروڑوں روپے کا نقصان ہوگیا۔ کئی گاڑیاں بھی سیلابی ریلے میں بہہ گئیں۔ تاہم کوئی جانی نقصان نہیں ہوا۔ سیدوشریف روڈ پر بھی بیوٹیفکیشن پراجیکٹ کا پول کھل گیا۔ رات گئے ریسکیو1122کی ٹیم نے امدادی کارروائیوں میں حصہ لیا ۔ مختلف علاقوں میں شدید ژالہ باری سے فصلوں اور پھلوں کے باغات کو بھی نقصان پہنچا