سوات وائلڈ لائف ڈویژن کے زیر اہتمام ما حولیات کا عالمی دن منایا گیا

سوات(باخبر سوات ڈاٹ کام)  سوات وائلڈ لائف ڈویژن کے زیر اہتمام ما حولیات کا عالمی دن منایا گیا اس سلسلے میں گورنمنٹ پوسٹ گریجویٹ جہانزیب کالج میں تقریب کا اہتمام کیا گیاجس میں کالج کے طلبہ و اساتذہ، پروفیسرز اور محکمہ ماحولیات و جنگلی حیات کے عملے کے علاوہ عمائدین علاقہ نے شرکت کی۔ اس موقع پر مقررین اور محققین نے ماحول، جنگلات اور جنگلی حیات کے تحفظ پر تفصیل سے روشنی ڈالی اور طلبہ و طالبات کو آگاہی دیتے ہوئے ان سے کہا کہ وہ محکمہ ماحولیات و جنگلی حیات کے شانہ بشانہ جنگلی حیات اور حیاتیاتی تنوع کے تحفظ کیلئے اپنا فعال کردار ادا کریں۔ تقریب کے دوران طلبہ وطالبات کے ما بین پینٹنگز اور پو سٹر ز کا شاندار مقابلہ بھی ہوا جس میں طلبہ و طالبات نے ماحول اور اس پر اثر انداز ہونے والے عوامل کو بڑے خوبصورت انداز سے اجاگر کیا اور اپنی تخلیقی صلاحیتوں کا بھر پور استعمال کیا۔