نامزد وزیراعلیٰ محمود خان کے حجرہ میں مبارک باد دینے والوں کا تانتا بندھ گیا

سوات (باخبر سوات ڈاٹ کام) خیبر پختون خواہ کے اگلے وزیر اعلیٰ کے لئے نامزد امیدوار محمود خان کے حجرہ میں مبارک باد دینے کا سلسلہ جاری ہے۔ کثیر تعدادمیں لوگ حجرے میں جاکر ان کے والد ڈاکٹر محمد خان اور ان کے بھائی تحصیل ناظم احمد خان کو مبارک باد دے رہے ہیں۔ سوات کے ہر علاقہ میں محمود خان کی نامزدگی پر لوگ خوش ہیں۔ عوام کا کہنا ہے کہ پہلی بار سوات سے وزیر اعلیٰ آئے گا جس کے بعد وہ سوات کی ترقی کے لئے کام کرے گا۔