ناروا لوڈ شیڈنگ کے خلاف تاجروں اور اہل علاقہ کا مظاہرہ

سوات   (باخبرسوات ڈاٹ کام)   تحصیل خوازہ خیلہ کے علاقہ شین، فتح پور میں ناروا لوڈ شیڈنگ کے خلاف تاجروں اور اہل علاقہ نے احتجاجی مظاہرہ کیا۔ مظاہرین نے مین چوک میں جمع ہوکر پیسکو حکام کے خلاف نعرہ بازی کی۔ مظاہرین کا کہنا تھا کہ ان کے علاقہ میں سولہ سے بیس گھنٹے لوڈ شیڈنگ کی جارہی ہے جس کی وجہ سے صارفین مشکلات کا شکار اور کاروبارِ زندگی معطل ہے۔