مختلف علاقوں میں موسلادھار بارش سے موسم خوشگوار

سوات (باخبرسوات ڈاٹ کام) مینگورہ شہر سمیت سوات کے مختلف علاقوں میں موسلادھار بارش سے موسم خوشگوار ہوگیا۔ لوڈشیڈنگ کے ستائے شہریوں کے چہرے کھل اٹھے۔ مینگورہ شہر اور دسیدوشریف سمیت سوات کے بالائی علاقوں میں اتوار کی سہ پہر موسلادھار بارش ہوئی جس سے گرمی کی شدت کم ہوکرموسم خوشگوار ہوگیا۔ بارش سے شہریوں کے مرجھائے چہرے بھی کھل اٹھے جبکہ جگہ جگہ پر پڑی آلائشوں کی بدبوسے بھی نجات مل جائے گی۔