سوات میں لوڈ شیڈنگ کی وجہ سے صنعت تباہ ہو رہی ہے ۔ احمد خان

سوات    (باخبرسوات ڈاٹ کام)  سوات چیمبر آف کامرس کے سابق صدر حاجی احمدخان نے کہا ہے کہ حکمران سوات میں انڈسٹری کی حالت زار کو درست کرنے کے اقدامات کریں اورانڈسٹری کو درپیش مسائل ترجیحی بنیادوں پر حل کریں۔ ملک کی ترقی اورعوام کی خوشحالی کاضامن بننے والے اداروں کو ان کی ضروریات کے مطابق سہولیات فراہم کریں۔ سوات میں گذشتہ کئی ماہ سے جاری بجلی کی ناروالوڈشیڈنگ کے باعث انڈسٹری کوناقابل تلافی نقصان کاسامناہے ،ان کاازالہ کریں۔ اپنے ایک بیان میں انہوں نے کہا کہ لوڈ شیڈنگ کی وجہ سے سوات کی صنعت تباہ ہو رہی ہے، جس کو بچایا جائے۔