سوات (باخبرسوات ڈاٹ کام) سوات میں ملٹی نیشنل کمپنی کا صابن اور جراثیم کش دوا بنانے کی جعلی فیکٹری پکڑی گئی۔ گذشتہ روز ڈپٹی کمشنر سوات ثاقب رضا اسلم کو اطلاع ملی کہ مینگورہ نواحی علاقہ رحیم آباد میں فیکٹری میں جعلی لیکس صابن اور ڈیٹول اور دیگر اشیا بن کر مینگورہ شہر کی مارکیٹوں میں فروخت ہورہی ہیں جس پر انہوں نے فوری طور اے اے سی سید عامر علی شاہ کو کارروائی کی ہدایت کی جس پر عامر علی شاہ نے ٹیم اور پولیس کی بھاری نفری کے ہمراہ رحیم آباد میں بوتل ہاش نامی فیکٹری پر چھاپہ مارا جہاں پر لیبر لیکس اور ڈیٹول صابن بنا جا رہا تھا۔ اس موقع پر انہوں نے لاکھوں روپے کے جعلی صابن کو تلف کرتے ہوئے فیکٹری سیل کردی اور فیکٹری مالک عنایت اللہ کو گرفتار کرکے ان کے خلاف مقدمہ درج کر لیا۔
Swat