سوات (باخبرسوات ڈاٹ کام) سوات میں ٹریفک کے مختلف حادثات میں ایک شخص جاں بحق اور چار زخمی ہوگئے۔ بریکوٹ کے علاقہ گورتئی میں موٹر کار اور موٹر سائیکل کے درمیان تصادم میں محمد سلیم جاں بحق اور عماد اور حضرت علی زخمی ہوگئے۔ مٹہ میں رکشہ کی ٹکر سے35سالہ نظر گل اور مٹہ ہی میں موٹر اور موٹر سائیکل میں تصادم کے نتیجے میں موٹر سائیکل سوار 28سالہ سلیم سکنہ کبل زخمی ہوگئے ۔ چاروں زخمیوں کو طبی امداد کے لئے مقامی ہسپتالوں میں منتقل کردیا گیا۔