سوات (باخبرسوات ڈاٹ کام) سوات میں ریاستی دور سے یتیم بچیوں کی رہائش اورپرورش کے لیے قائم مسکن کے دروازے مستحق ولاوارث بچیوں پر بند کردئے گئے۔بچیوں کے ساتھ ساتھ مسکن میں ڈیوٹی دینے والے ملازمین کی تنخواہیں بھی بند ۔کئی خاندانوں کے گھروں کے چولہے ٹھنڈے پڑ گئے۔ درجۂ چہارم ملازمین نے مسکن کو فعال بنانے اور ملازمین کی تنخواہیں اداکرنے کا مطالبہ کردیا۔ مسئلہ حل نہ ہونے کی صورت میں احتجاج کریں گے۔ اس حوالے سے آل درجہ چہارم ملازمین ایسوسی ایشن کے صدر سید خطاب نے دیگر عہدیداروں کے ہمراہ پریس کانفرنس کرتے ہوئے کہا ڈی ای او زنانہ سوات نے مسکن میں کام کرنے والے ملازمین کی تنخواہیں بند کردیں جس کے سبب ان ملازمین کے گھروں کے چولہے ٹھنڈے پڑ گئے۔ انہوں نے مقامی ایم پی اے،محکمۂ تعلیم،ضلعی حکومت اور دیگر ذمہ دارحکام سے اپیل کی کہ وہ درجۂ چہارم ملازمین کی تنخواہیں فوری طور پر اداکرنے کے احکامات جاری کریں، تاکہ ان ملازمین کی پریشانیوں کا خاتمہ ہوسکے۔
یتیم بچیوں کی رہائش و پرورش کا ادارہ مسکن بند کردیا گیا
