کالام، دو سائنس کی استانیوں کا تبادلہ، طالبات کا مستقبل داؤ پر

سوات (باخبرسوات ڈاٹ کام) گورنمنٹ گرلز ہائی سکول کالام سے دو سائنس کی استانیوں کے تبادلے کے بعد سکول کے سیکڑوں طالبات سائنس کے مضامین پڑھنے سے محروم ہوگئیں۔ دو استانیوں بائیو اور کیمسٹری کی استانی فاطمہ کا تبادلہ خوازہ خیلہ اور فزکس اور ریاضی کی استانی حنا کا تبادلہ مٹہ کردیا گیا، جس کے بعد سکول میں ان مضامین کو پڑھانے والی استانیاں موجود نہیں جس کی وجہ سے اب سکول میں سائنس کی طالبات ان مضامین کو نہیں پڑھ سکیں گے۔