سوات (باخبرسوات ڈاٹ کام) سوات میں چارباغ پولیس نے بھینس چور گروہ کے 3ارکان کو گرفتا رکرلیا جن میں ایک قصائی بھی شامل ہے۔ ملزمان کے قبضے سے دو چوری شدہ بھینسیں بھی برآمد کرلی گئیں۔ ڈی ایس پی خوازہ خیلہ سرکل بادشاہ حضرت خان کے مطابق مسلسل عوامی شکایات اور بھینسیں چوری ہونے کے واقعات پر پولیس کی اسپیشل ٹیم بنا کر تفتیش شروع کردی گئی۔ اس دوران پولیس نے تین ملزمان احمد حسین سکنہ درشخیلہ، سعید اللہ اور سلیمان ساکنان کوزکلے خوازہ خیلہ کوگرفتار کرکے ان کے قبضے سے دو چوری شدہ بھینسیں بھی برآمد کرلی گئی ہیں۔ ملزمان نے مزید دس بھینسوں کی چوری کرنے کا بھی اعتراف کیا ہے۔ ملزمان کے خلاف مقدمہ درج کرکے ان سے مزید تفتیش جاری ہے۔
Swat