عوامی مشاورت سے تیار ہونے والے بجٹ سے مسائل حل ہوسکتے ہیں، اکرام خان

سوات   (باخبرسوات ڈاٹ کام)    تحصیل ناظم بابوزئی(مینگورہ) اکرام خان نے کہا کہ عوامی مشاورت سے تیار ہونے والے بجٹ سے ہی عوام کے بنیادی مسائل حل ہوسکتے ہیں۔ ممبران اسمبلی کاکام قانون سازی جبکہ بلدیاتی نمائندوں کا کام ترقیاتی منصوبے تعمیر کرنا ہے، لیکن بد قسمتی سے پاکستان میں ایسا نہیں ہورہا ہے۔ یہاں پر ایم این اے، ایم پی اے اور سینیٹر بھی گلی کوچے تعمیر کرتا ہے۔ ان خیالات کا اظہار انہوں نے سی پی ڈی کے تعاون سے عوامی ویلفیئر سوسائٹی نے ضلع سطح پر بجٹ کے حوالے سے مشاورتی اجلاس سے خطاب کرتے ہوئے کیا۔