میاندم، نو ماہ قبل زیادتی کا نشانہ بننے والی یتیم طالبہ ماں بن گئی

سوات (باخبرسوات ڈاٹ کام)  تحصیل خوازہ خیلہ کے علاقہ میاندم میں نو ماہ قبل زیادتی کا نشانہ بننے والی ساتویں جماعت کی تیرہ سالہ یتیم طالبہ ماں بن گئی۔بچی کی والدہ کے مطابق بچی کو تکلیف ہوئی، تو وہ ان کو سیدو شریف ہسپتال لے آئے جہاں ڈاکٹروں نے کہا کہ بچی امید سے ہے۔ ڈاکٹروں نے بچی کی جان بچانے کے لئے آپریشن کے ذریعے زچگی کی۔ بعد میں بچی نے بتایا کہ نو ماہ قبل وہ سکول سے گھر جارہی تھی کہ علاقہ کے دو لڑکے اس کو زبردستی قریبی عمارت میں لے گئے اور بے ہوش کردیا۔ جب وہ ہوش میں آئی تو خون میں لت پت تھی۔گھر والوں کے ڈر کی وجہ سے اس نے کپڑے دھوئے اور گھر میں کچھ نہیں بتایا ۔ خوازہ خیلہ پولیس کے مطابق انہوں نے رپورٹ درج کرکے تفتیش شروع کردی۔