سوات (باخبرسوات ڈاٹ کام) سوات اور ملاکنڈ میں سی این جی سٹیشنیں بند ہونے کے بعد عام صارفین کے گھروں میں گیس کی بحالی شروع ہوگئی، جس کے بعد سوئی گیس صارفین نے سکھ کا سانس لے لیا۔ گذشتہ روز کمشنر ملاکنڈ ڈویژن نے سوئی گیس کی بدترین لوڈ شیڈنگ کے خلاف عوامی احتجاج پر ضلع سوات اور ملاکنڈ میں تمام سی این جی سٹیشنوں کو صبح پانچ بجے سے رات دس بجے تک بند رکھنے کا حکم دیا تھا جس پر جمعرات کو عمل در آمد شروع ہوا۔ سی این جی سٹیشنوں کی بندش کے بعد شہر میں گھروں کے چولہوں میں قدرتی گیس کا آنا شروع ہوگیا ہے جس کے بعد صارفین نے سکھ کا سانس لے لیا ہے۔
سی این جی سٹیشنوں کی بندش، عام صارفین نے سکھ کا سانس لے لیا
