سوات (باخبرسوات ڈاٹ کام) سوات میں چار روز سے جاری برف باری سے بالائی علاقوں کی اکثر سڑکیں بند ہوگئیں۔ منگل کو بھی چوتھے روزسوات کے میدانی علاقوں میں بارش اور بالائی علاقوں میں شدید برف باری کا سلسلہ جاری رہا۔ برف باری کی وجہ سے بحرین ، کالام روڈ دو مقامات پر لینڈ سلائڈنگ کی وجہ سے بند ہوگیا۔ اتروڑ ، مٹلتان سمیت بالائی علاقوں میں شدید برف باری کی وجہ سے رابطہ سڑکیں بند ہوگئی ہیں۔ بارش و برف باری کی وجہ سے سردی کی شدت میں مزید اضافہ ہوگیا ہے۔ محکمۂ موسمیات کے مطابق آج بدھ سے بارش و برف باری کا سلسلہ رُکنے کا امکان ہے۔
چار دن سے جاری برف باری سے بالائی علاقوں کی سڑکیں بند
