سوات (باخبر سوات ڈاٹ کام ) وادئی کالام کے علاقہ لائیکوٹ ایریا میں مارخوروں نے آبادی کا رُخ کرلیا۔ ویڈیو سوشل میڈیا پر وائرل ہوگئی۔ سماجی کارکنوں اور عوامی حلقوں نے حکومت سے مارخور وں کی حفاظت کے لیے مؤثر اقدامات کا مطالبہ کردیا۔ گذشتہ دنوں مانکیال اور لائیکوٹ میں کئی مارخوروں نے آبادی والی علاقے کا رخ کرلیا تھا، وہاں پر موجود محکمہ وائلڈ لائف کے ملازمین نے موبائل سے ان کی ویڈیو بنائی جو بعد ازاں سوشل میڈیا پر وائرل ہوگئی۔ پہلی دفعہ نزدیک سے مارخور دیکھنے پر مقامی لوگوں نے خوشی کا اظہار کرتے ہوئے محکمہ وائلڈ لائف کے ذمہ داران سے ان جنگلی جانوروں کی حفاظت کے لیے مؤثر اقدامات کا مطالبہ کیاہے۔
Swat