ملاکنڈ ڈویژن، این سی پی گاڑیوں کا مستقبل خطرے میں پڑگیا

سوات (باخبر سوات ڈاٹ کام ) ملاکنڈ ڈویژن میں این سی پی گاڑیوں کا مستقبل خطرے میں پڑگیا۔ جامع منصوبہ بندی کے تحت این سی پی گاڑیوں کا خاتمہ کیا جائے گا۔ سوا ت میں غیر قانونی اور ٹو سڑوک رکشوں کے خلاف بھی بھرپورکارروائی کا فیصلہ کرلیا گیا۔ کمشنر ملاکنڈ ڈویژن کے مطابق ملاکنڈ ڈویژن میں این سی پی گاڑیاں بہت بڑا مسئلہ ہیں۔ ان گاڑیوں کو قومی دھارے میں لانے کے لیے عملی اقدامات کئے جارہے ہیں۔ بہت جلد اس ضمن میں قانون سازی کی جائے گی۔ انہوں نے کہاکہ سوات میں رکشوں کی بھرمار کو کم کرنے کے لئے غیر قانونی اور ٹو سٹروک رکشوں کے خلاف بھی کارروائی کی جائے گی۔ آئندہ چند روز میں ان رکشوں کے خلاف آپریشن کیا جائے گا۔ انہوں نے کہاکہ سوات کی خوب صورتی کو برقرار رکھنے کے لئے عملی اقدامات کئے جارہے ہیں۔ اس ضمن میں ٹریفک کو رواں داں رکھنا اولین ترجیح ہے، جس پر کوئی سمجھوتا نہیں کیا جائے گا ۔