مٹہ ارکوٹ،موٹرسائیکل کھائی میں گر گئی، ایک شخص جاں بحق، دوسرا زخمی

سوات(باخبر سوات ڈاٹ کام ) تحصیل مٹہ کے علاقہ ارکوٹ میں موٹرسائیکل کھائی میں گرنے سے ایک شخص جاں بحق اور ایک شدید زخمی ہوگیا۔ پولیس ذرائع کے مطابق تحصیل مٹہ کے علاقے ارکوٹ کے مقام موٹرسائیکل تیز رفتاری کے باعث بے قابو ہوکر کھائی میں جاگری جس کے نتیجے میں پینتیس سالہ عبداللہ ولد زرگرے سکنہ مٹہ موقع پر جاں بحق ہوگیا۔ ان کا ساتھی حسین علی شدید زخمی ہوگیا ہے جن کوطبی امداد کے لئے سیدوشریف اسپتال منتقل کردیا گیا ہے۔