سوات(باخبر سوات ڈاٹ کام) رمضان المبارک کا بابرکت مہینا سوات کے ٹھنڈے علاقوں میں گزارنے کے لئے بکنگ کا سلسلہ جاری ہے۔ ملک کے گرم علاقوں میں رہنے والے لوگوں نے امسال بھی ملم جبہ، مرغزار، میاندم، مدین، بحرین، کالام، اتروڑ اور مٹلتان میں اپارٹمنٹس، گھر اور ہوٹلوں میں کمرے کرایہ پر بک کر لیے۔ گرم علاقوں کے لوگ ہر سال یکم رمضان سے ایک یا دو دن پہلے اہلِ خانہ کے ساتھ سوات منتقل ہوجاتے ہیں اور ان علاقوں کے یخ موسم میں ما ہِ صیام یہاں پر گزار کر عید سے ایک یا دو دن پہلے واپس چلے جاتے ہیں۔ ان علاقوں کے پراپرٹی ڈیلرز اور ہوٹل ایسوسی ایشن کے مطابق اب تک 70 فیصد عمارتیں لوگوں نے ماہ رمضان کے لئے کرایہ پر حاصل کر لی ہیں۔
Swat