تبدیلی سرکاری نے غریب کے خاتمے کی منصوبہ بند ی کررکھی ہے، ایوب اشاڑے

سوات(باخبر سوات ڈاٹ کام) عوامی نیشنل پارٹی سوات کے صدر اور سابق صوبائی وزیر ایوب خان اشاڑے نے کہاہے کہ تبدیلی سرکار نے غریب کے خاتمے کی منصوبہ بند ی کررکھی ہے آئے روز مہنگائی کے بم گراگر عوام کی قوت خرید جواب دے چکی ہے،پٹرولیم مصنوعات کی قیمتوں میں مزید اضافہ کرکے عوام کو رمضان المبارک پر نیا تحفہ دیا گیا ہے میڈیا سے گفتگو کرتے ہوئے ایوب خان اشاڑے نے کہاکہ عمران خان نے اپوزیشن میں رہتے ہوئے حکومت کے خلاف جو کچھ بولاوہیں ان کی حکومت خود کررہی ہے جس سے صاف ظاہر ہوتا ہے کہ انہیں صرف اقتدار کا ہوس تھا۔