سوات(باخبر سوات ڈاٹ کام) تحصیل ناظم اکرام خان نے کہاہے کہ نوجوان تعلیمی سرگرمیوں کے ساتھ ساتھ کھیل کود میں بھی بڑ ھ چڑ ھ کر حصہ لیں۔ یہ نہ صرف صحت مندرہنے کے لیے ضروری ہے، بلکہ اس سے نوجوان منشیات سمیت دیگر منفی سرگرمیوں سے بھی محفوظ رہیں گے۔ کھلاڑیوں کی حوصلہ افزائی کے لیے ہر ممکن اقدامات اٹھائیں گے۔ ان خیالات کا اظہار انہوں نے گذشتہ روز سوات سپورٹس کمپلیکس میں انٹر باکسنگ مقابلوں کے فائنل میچ کے موقع پر مہمان خصوصی کی حیثیت سے خطاب کرتے ہوئے کیا۔تقریب کے آخر میں تحصیل ناظم نے کھلاڑیوں میں ٹرافیاں تقسیم کیں۔
نوجوان تعلیمی سرگرمیوں کے ساتھ کھیل کود میں بھی حصہ لیں، اکرام خان
