سوات (باخبر سوات ڈاٹ کام) مینگورہ کے نواحی علاقہ اوڈیگرام میں نمازِ تروایح کے دوران دو فریقین کے درمیان فائرنگ کے نتیجے میں چار افراد زخمی ہوگئے۔ پولیس کے مطابق دونوں فریقین کے درمیان افطاری سے پہلے تکرار ہوئی تھی، نمازِ تروایح کے لئے جب فریقین جامعہ الفاروقیہ پہنچے، تو وہاں پھر تکرار کے بعد دونوں فریقین نے ایک دوسرے پر فائرنگ کی، جس کے نتیجے میں چار افراد زخمی ہوگئے۔ زخمیوں کو طبی امداد کے لئے سیدو شریف ہسپتال منتقل کردیا گیا۔
Swat