جہانزیب کالج گرلز ہاسٹل میں گذ شتہ تین دنوں سے بجلی غائب، پانی کی بھی قلت

سوات(باخبر سوات ڈاٹ کام)  سیدو شریف کے گورنمنٹ جہانزیب کالج گرلز ہاسٹل میں گذ شتہ تین دنوں سے بجلی غائب ہے۔ گورنمنٹ پوسٹ گریجویٹ کالج سیدوشریف کے گرلز ہاسٹل جس میں ڈیڑھ سو سے زائد طالبات رہائش پذیر ہیں، کی بجلی پچھلی تین دنوں سے خراب ہے۔ کالج میں طالبات کو شدید مشکلات کا سامنا ہے۔ پڑھائی کے ساتھ ساتھ رمضان میں سحری اور افطاری میں بھی مشکلات ہیں جب کہ بجلی نہ ہونے کی وجہ سے پانی کی قلت بھی پیدا ہوچکی ہے۔ شکایت کے باجود بجلی کی بحالی نہیں کی جارہی ہے۔ واپڈا سپرنٹنڈنٹ کے مطابق ہاسٹلز کو الگ ٹرانسفارمرلگاہوا ہے جوکہ کالج کا ذاتی ٹرانسفارمرہے۔ اس کی مرمت یا تبدیلی کی ذمہ داری کالج انتظامیہ پرعائد ہوتی ہے۔