پائیداری کی بدولت پشاوری چپل دو تا تین سال خراب نہیں ہوتے

سوات(باخبر سوات ڈاٹ کام)  اس وقت بازار میں پشاور ی چپل خریدنے والوں کی تعداد میں اضافہ ہو رہا ہے۔ عید قریب آتے ہی چپل کی خریداری عروج پر پہنچ جاتی ہے۔ ایک دکان میں پشاوری چپل خریدنے والے سلمان خان نے باخبر سوات ڈاٹ کام کو بتایا کہ پشاوری چپل خالص چمڑے سے تیار کی جاتی ہے جس کی وجہ سے یہ چپل پیروں کو ٹھنڈ ک دیتی ہیں اور ہلکا ہونے کی وجہ سے اس کا وزن کم ہوتا ہے۔اس کو با آسانی اتارا اور پہنا جاسکتا ہے۔ پشاوری چپل دو سے تین سال تک خراب نہیں ہوتے اور استعمال کیے جاتے ہیں جس کی وجہ سے موسم گرما میں زیادہ لوگ پشاوری چپل ہی خرید تے ہیں۔