سوات (باخبر سوات ڈاٹ کام) مینگورہ کے محلہ ملوک آباد چینہ میں مبینہ منشیات فروشوں گروہ کے دوسرے فریق پر حملہ سے باپ جاں بحق اور بیٹا شدید زخمی ہوگیا۔ پولیس کے مطابق مبینہ منشیات فروش گروہ کے ارکان رحمت علی، افسر علی سکنہ کوٹکے الپورئی شانگلہ حال فضاگٹ سوات کا ایک بھائی پولیس نے منشیات فروشی کے جرم میں گرفتار کیا تھا، جو جیل میں ہے۔ ان کو شک تھا کہ ملوک آباد کے ثانی گل اور ان کے بیٹے حمزہ نے ان کے بارے میں پولیس کو اطلاع دی تھی، جس پر گذشتہ روز انہوں نے ان پر چاقوں اور چھریوں سے حملہ کردیا جس کے نتیجے میں ثانی گل موقع پر جاں بحق اور ان کا بیٹا حمزہ شدید زخمی ہوگیا۔ مجروح کو طبی امداد کے لئے ہسپتال منتقل کر دیا گیا۔ مینگورہ پولیس نے فرار ہونے والے ملزمان کے خلاف مقدمہ درج کرکے ان کی تلاش شروع کردی ہے۔
Swat