محکموں کو سختی سے کہا ہے کہ وہ ترقیاتی اہداف کا واضح تعین کریں، ڈاکٹر امجد علی خان

سوات  (باخبر سوات ڈاٹ کام)    خیبرپختونخوا کے وزیرمعدنیات ڈاکٹر امجد علی خان نے تمام محکموں کو سختی سے ہدایت کی ہے کہ وہ اپنے ترقیاتی اہداف کا واضح تعین کریں۔ ان اہداف کا سو فیصد حصول بھی یقینی بنائیں۔ نیز خبردار کیا کہ اہداف پورے نہ کرنے والے افسروں کی سخت سرزنش کی جائے گی۔ انہوں نے کہا کہ عوام نے ہمیں بھاری مینڈیٹ دیا ہے۔ پی ٹی آئی حکومت پر بھر پور اعتماد کیا ہے۔ اس لئے تمام عوامی مسائل کو ترجیحی بنیادوں پر حل کریں گے۔ ہم عوام کو بہتر انداز میں ڈیلیور کرنا چاہتے ہیں اور اللہ تعالیٰ کے فضل سے ہمیں عوام کا تعاون بھی میسر ہے۔ ان خیالات کا اظہار صوبائی وزیر نے ڈپٹی کمشنر سوات کے کانفرنس روم میں مختلف محکموں اور اداروں اور لائن ڈیپارٹمنٹس کی پراگریس رپورٹ کا جائزہ لینے کے لیے طلب کردہ اجلاس کی صدارت کرتے ہوئے کیا۔