سوات(باخبر سوات ڈاٹ کام) سوات میں سیدوشریف تدریسی اسپتال کی نئی عمارت مکمل ہونے کے بعد نیا سامان اور آلات خریدنے کی بجائے سنٹرل اسپتال سے ڈی ایچ کیو کا سامان منتقل کرنے کے خلاف سول سوسائٹی نے سیدوشریف روڈ پر احتجاجی مظاہرہ کیا۔ مظاہرے میں بلدیاتی نمائندوں اور تاجربرداری نے بھی شرکت کی۔ مظاہرین نے شدید نعرے بازی کی اور وزیر اعلیٰ سے ڈی ایچ کیو اسپتال کی فعالیت اور نوٹیفکشن جاری کرنے کا مطالبہ کیا جس کا اعلان انہوں نے اپنے دورہئ سوات کے دوران کیا تھا۔ بعدازاں مظاہرین نے تحصیل کونسلر ڈاکٹر خالد محمود کی قیادت میں ایم ایس ڈاکٹر گلشن حسین کے ساتھ مذاکرات کئے اور ان کی یقین دہانی پر احتجاج ختم کردیا گیا۔
ہسپتال کے لئے نئے آلات نہ خریدنے پر سول سوسائٹی کا احتجاج
