سوات (باخبر سوات ڈاٹ کام) کالام سے سبزی کے ٹرک میں بھاری تعداد میں دیار کی قیمتی لکڑی اسلام آباد سمگل کرنے کی کوشش ناکام بنادی گئی۔ فارسٹ اہلکاروں نے ایک اطلاع پر سبزی سے بھرے ٹرک کی تلاشی لی، جس میں اوپر سبزی اور سبزی کے نیچے56 عدد دیار کے سلیپر جس کی قیمت لاکھوں روپے ہے، کو برآمد کرکے دو ملزمان کو گرفتار کرلیا۔ ڈی ایف او محکمہ جنگلات شاہ حسین نے رابطہ پر بتایا کہ ٹمبر مافیا کے خلاف گرینڈ آپریشن شروع کیا گیا ہے اور جلد ہی اس کے بڑے بڑے نام سلاخوں کے پیچھے ہوں گے۔
کالام، سبزی کے ٹرک میں دیار کی قیمتی لکڑی سمگل کرنے کی کوشش ناکام
