سوات (باخبر سوات ڈاٹ کام) مینگورہ کے محلہ بنڑ میں بھائی کے ہاتھوں قتل ہونے والی گلوکارہ ثنا گل کے ملزم بھائی کو گرفتار کرلیا گیا۔ ڈی ایس پی سٹی ظاہر شاہ خان اور ایس ایچ او بنڑ طارق خان نے پریس کانفرنس کے دوران گرفتار ملزم کو میڈیا کے سامنے پیش کیا۔ ملزم قاسم نے 30 اگست کو بنڑ مینگورہ میں اپنی بہن گلوکارہ ثنا گل کو قتل کیا تھا۔ ملزم نے ابتدائی بیان میں پولیس کو بتایا کہ اس نے اپنی بہن کو گلوکاری اور ڈانس سے منع کیا تھا۔ منع نہ ہونے پر اس کو قتل کیا۔ پولیس کے مطابق ملزم کو آج بدھ کو عدالت میں پیش کیا جائے گا۔
Swat