جہانزیب کالج کے طلبہ کا ہاسٹل میں پانی نہ ہونے کے خلاف احتجاج

سوات   (باخبر سوات ڈاٹ کام)     گورنمنٹ پوسٹ گریجویٹ جہانزیب کالج سیدو شریف کے طلبہ نے ہاسٹل میں پانی نہ ہونے کے خلاف احتجاج کیا۔ کالج کے سامنے سیدو شریف، مینگورہ روڈ کو ٹریفک کے لیے بند کردیا۔ طلبہ کا کہنا تھا کہ کئی دنوں سے ہاسٹل میں پانی نہیں آرہا جس کی وجہ سے طلبہ کو مشکلات ہیں۔ بعد میں ڈی ایس پی اکبر حیات سے مذاکرات کے بعد طلبہ منتشر ہوگئے۔ احتجاج اور روڈ بندش کی وجہ سے سیدو شریف، مینگورہ روڈ پر گاڑیوں کی لمبی قطاریں لگی تھیں۔ تین گھنٹوں تک ٹریفک جام رہی۔