مینگورہ کو ماڈل شہر بنانے کے لیے خطیر رقم مختص کردی گئی ہے، فضل حکیم

سوات (باخبر سوات ڈاٹ کام)  چیئرمین ڈیڈیک سوات فضل حکیم خان نے کہا ہے کہ ضلع سوات میں تیزی سے ترقیاتی کام جاری ہے۔ مینگورہ کو ماڈل شہر بنانے کے لیے خطیر رقم مختص کردی گئی ہے، جس پر کام کا سلسلہ جاری ہے۔ وزیراعلیٰ محمود خان سوات کی ترقی میں اپنا بھرپور کردا نبھا رہے ہیں، جس پر ہم سب ان کے شکرگزار ہیں۔ ملابابا مینگورہ خوڑ لنک روڈ پر جاری ترقیاتی کام کا معائنہ کے دوران لوگوں سے بات چیت میں انہوں نے کہا کہ مینگورہ شہر میں ٹریفک ازدحام اور اندرونِ شہر بڑھتے ہوئے رش پر کنٹرول کے لیے شہر کے چاروں اطراف لنک روڈوں کی تعمیر وقت کی ضرورت ہے۔