مقبوضہ کشمیر سے تعلق رکھنے والے یتیم بچوں کو ملم جبہ کی سیر کرائی جائے گی

سوات (باخبر سوات ڈاٹ کام)  مقبوضہ کشمیر سے تعلق رکھنے والے دو سو یتیم بچوں کو فوج کی جانب سے آج اتوار کو ملم جبہ کی سیر کرائی جائے گی۔ مقبوضہ کشمیر کے یتیم ہونے والے یہ بچے آزاد کشمیر میں رہائش پذیر ہیں اور ان بچوں کونصابی سرگرمیوں کے ساتھ غیر نصابی سرگرمیاں بھی کروائے جاتے ہیں۔اس لئے ان کو آج اتوار کو سوات کے برفانی سیاحتی علاقہ ملم جبہ کی سیر کروائی جائیگی۔ اس تفریحی سرگرمی میں پاک فوج کے اعلیٰ افسران بھی آج ملم جبہ آئیں گے۔