سوات (باخبر سوات ڈاٹ کام) وادئی کالام کے ملحقہ علاقوں میں برف باری کی وجہ سے سڑکوں کی بندش کے خلاف اہلِ علاقہ نے نشاط چوک مینگورہ میں احتجاجی مظاہرہ کیا۔ مظاہرین کا کہنا تھا کہ کالام سے آگے کئی علاقوں کی 17 کلومیٹر روڈ پچھلے دوہفتوں سے بند ہے، جس سے 20 ہزارسے زائد لوگ محصور ہوچکے ہیں۔علاقے میں خوراکی اجناس کی قلت پیدا ہوچکی ہے۔ مریضوں کو اسپتالوں میں نہیں لے جاسکتے۔ انہوں نے وزیر اعلیٰ سے مطالبہ کیا کہ وہ ذاتی دلچسپی لے کر متعلقہ حکام کو سڑکیں کھولنے کے احکامات جاری کریں، تاکہ لوگوں کی مشکلات کم ہو سکیں۔
وادئی کالام،برف باری کی وجہ سے سڑکوں کی بندش، اہلِ علاقہ کا مظاہرہ
