سوات (باخبر سوات ڈاٹ کام) سوات کے علاقے شکردرہ میں ٹارگٹ کلنگ کا نشانہ بننے والے ن لیگ کے مقامی رہنمااور سینئر صحافی حمیداللہ کے بھائی جاوید اللہ خان کو سپردخاک کردیا گیا۔ پولیس کے چاق وچوبند دستے نے ان کی قبر پر سلامی دی،مقتول کے قتل کا مقدمہ تھانہ سی ٹی ڈی کبل میں نامعلوم ملزمان کے خلاف درج کرلیا گیا۔علاقے میں پولیس کا سرچ آپریشن جاری ہے۔ جواں سال جاویداللہ خان کو گذشتہ روز اپنے گاؤں شکردرہ میں نامعلوم افراد نے اس وقت فائرنگ کرکے نشانہ بنایا، جب وہ دریائے سوات کے کنارے اپنے کھیتوں میں جارہے تھے۔ مقتول جاویداللہ خان کی نماز جنازہ میں سیاسی وسماجی شخصیات نے شرکت کی۔ اس موقع پر سیکورٹی کے بھی غیر معمولی انتظام کئے گئے تھے۔ بعدازاں ا نہیں آبائی قبرستان میں سپردخاک کردیا گیا۔
ٹارگٹ کلنگ کا نشانہ بننے والے جاوید اللہ خان کو سپردخاک کردیا گیا
