غالیگے،بھاری مقدار میں اسلحہ و کارتوس سمگل کرنے کی کوشش ناکام

سوات    (باخبر سوات ڈاٹ کام)    سوات میں غالیگے پولیس نے اسلحہ اور کارتوس سمگل کرنے کی کوشش ناکام بناتے ہوئے بھاری کھیپ برآمد کرلی۔ ایس ایچ او تھانہ غالیگے اخترایوب خان نے میڈیا کو تفصیلات بتاتے ہوئے کہاکہ پولیس نے لنڈاکی چیک پوسٹ پر سوزوکی پک اپ نمبر بی ڈی پشاور8174کو روک کر تلاشی لی اور چپس (پاپڑ) کی آڑ میں اسلحہ اورکارتوس کی بھاری کھیپ برآمد کرلی۔ انہوں نے کہاکہ پولیس نے گاڑی سے 11000 کارتوس 30 بور، 3000 کارتوس 9mm، چھے عدد پستول 30 بورمع 48 میگزین، رائفل(کلاشنکوف نما) 30 بور 2 عدد مع 4 عدد میگزین، 12 عدد شارٹ گن 12بورسنگل، 4 عدد شارٹ گن 12بور ڈبل بیرل، 22 جوڑے پستول گریپ برآمد کرکے ملزم طارق اللہ سکنہ سخاکوٹ کو گرفتار کرلیا۔