سوات (باخبر سوات ڈاٹ کام) مینگورہ کے تھانہ رحیم آباد کے اسسٹنٹ سب انسپکٹر امجد غفور نے ڈیوٹی کے دوران مستحق خاندانوں میں فوڈ پیکیج تقسیم کرکے مثال قائم کردی۔ امجد غفور محکمہ پولیس میں ہونے کے ساتھ سوشل ورکر بھی ہیں۔ وہ اپنی ڈیوٹی کے ساتھ لوگوں کی مدد بھی کرتے ہیں۔ رابطہ پر انہوں نے بتایا کہ ان کے دوست احباب ان کو اشیائے خورونوش بھیج رہے ہیں، جو وہ فارغ وقت میں پیک کرکے پھر مستحق افراد میں تقسیم کرتے ہیں۔