ٹرانسپورٹرز کی جنرل بس اسٹینڈ کے قریب اڈوں کے خلاف احتجاج کی دھمکی

سوات   (باخبر سوات ڈاٹ کام)    سوات میں ٹرانسپورٹروں نے جنرل بس اسٹینڈ کے قریب پرائیویٹ اڈوں کے خلاف احتجاج کی دھمکی دے دی۔ اس سلسلے میں جنرل سیکرٹری مکرم خان کی زیرِ صدارت اجلاس منعقد ہوا،جس میں نصراللہ خان، حکیم خان اوردیگر ٹرانسپورٹروں نے شرکت کی۔ اجلاس سے خطاب کرتے ہوئے مقررین نے کہاکہ جنرل بس اسٹینڈ کی منتقلی کے دوران ہم سے انتظامیہ اور ٹی ایم اے نے یہ معاہدہ کیا تھا کہ جنرل بس اسٹینڈ کی اطراف میں کسی قسم کا پرائیویٹ اڈا اور ٹرمینل نہیں ہوگا، لیکن اب کچھ لوگوں نے وہاں اڈے کھول دیے ہیں، جس کی وجہ سے ان پر اثر پڑرہا ہے۔