سوات (باخبر سوات ڈاٹ کام) فضاگٹ کے مقام پردریائے سوات میں نہاتے ہوئے ڈوبنے والے نوجوان کو زندہ نکال لیا گیا۔ جنید علی ساکن منگلور دریائے سوات میں نہاتے ہوئے ڈوب گیا کہ پٹرولنگ پر موجود ریسکیو 1122 کے اہلکاروں نے دریا میں چھلانگ لگائی اور نوجوان کونکال کر طبی امدادکے لئے ہسپتال منتقل کیا۔ طبی امداد کے بعد اس کو گھر جانے کی اجازت دے دی گئی۔ ریسکیو ترجمان کے مطابق ڈسٹرکٹ آفیسر عمران خان یوسفزئی نے نوجوان کو زندہ نکالنے والے اہلکاروں کو شاباش دی اور ان کو خراجِ تحسین پیش کیا۔
فضاگٹ،دریا میں نہاتے ہوئے ڈوبنے والا نوجوان زندہ نکال لیا گیا
