کوکارئی کچہ کوٹ، بارود پھٹنے سے مہمان خانہ کو نقصان

سوات  (باخبر سوات ڈاٹ کام)  تھانہ کوکارئی کی حدود میں واقع علاقہ کچہ کوٹ میں بارود پھٹنے سے جانی نقصان نہیں ہوا۔ پولیس کے مطابق سعید نامی شخص سڑک کی تعمیر میں پہاڑی کو کاٹنے کے لئے بارود لایا تھا، جسے بخت جہان کے مہمان خانہ میں رکھا تھا۔ گذشتہ روز نامعلوم وجوہات کی بنا پر مذکورہ بارود پھٹ گیا۔دھماکے سے عمارت کو نقصان پہنچا، تاہم مہمان خانہ خالی ہونے کی وجہ سے جانی نقصان نہیں ہوا۔