سوات،چوبیس گھنٹوں کے دوران دو بار زلزلہ

(باخبر سوات ڈاٹ کام)سوات اور گرد و نواح کے اضلاع میں چوبیس گھنٹوں کے دوران دو بار زلزلے کے جھٹکے محسوس کئے گئے۔ زلزلہ پیما مرکز کے مطابق پہلی بار ہونے والے زلزلے کی شدت4.5، زیر زمین گہرائی 140 کلومیٹر اور مرکز افغانستان اور تاجکستان کا سرحدی علاقہ تھا۔ دوسری بار ہونے والے زلزلے کی شدت بھی4.5، زیر زمین گہرائی 137 کلومیٹر اور مرکز ہندو کش کا پہاڑی سلسلہ تھا۔