(باخبر سوات ڈاٹ کام) وزیر اعظم کے مشیر انجینئر امیر مقام نے نیو سبزی منڈی کا دورہ کیا۔ اس موقع پر سبزی منڈی اوڈیگرام کے صدر شیر عالم خان نے انکو نیو سبزی منڈی کے مسائل سے آگاہ کرتے ہوئے کہا کہ نیو سبزی منڈی دورِ جدید کی تمام تر سہولیات سے آراستہ ہے۔ ہم انتظامیہ کی ہدایت اور نوٹس پر یہاں آئے ہیں جبکہ کچھ اڑتھیان پرانی سبزی منڈی میں رہ چکے ہیں جس سے ہمیں مشکلات کا سامنا کرنا پڑ رہا ہے۔ انجینئر امیر مقام نے فوری طور پر ڈپٹی کمشنر سوات سے رابطہ کرکے فوری رپورٹ طلب کی اور کہا کہ دونوں فریقین کو بٹھا کر باہمی مشاورت سے مسئلہ حل کریں۔ اس موقع پر گفتگو کرتے ہوئے کہا کہ نیو سبزی منڈی کے اڑتھیان کے مسائل ترجیحی بنیادوں پر حل کیے جائیں گے۔
Swat