(باخبر سوات ڈاٹ کام)گورنمنٹ پوسٹ گریجویٹ جہانزیب کالج کے شعبہ تاریخ میں پہلی اور دوسری جنگِ عظیم کے دوران میں سوات کے آثارِ قدیمہ: اداراتی اور قانونی مسائل کے زیر عنوان یک روزہ سیمینار کا انعقاد کیا گیا۔ مہمان مقرر قائد اعظم یونیورسٹی اسلام آباد کے شعبہ تاریخ کے سربراہ ڈاکٹر رفیع اللہ نے 1919ء تا 1939ء میں سوات کے آثارِ قدیمہ میں ہونے والی کھدائی کے اداراتی اور قانونی مسائل پر روشنی ڈالی۔ سیمینار میں جہانزیب کالج کے شعبہ تاریخ کے پرفیسروں کے ساتھ طلبہ و طالبات اور دیگر شعبہ جات کے پروفیسر حضرات شامل ہوئے۔ شعبہ تاریخ کے پروفیسر ڈاکٹر اشتیاق نے کہا کہ اب کی بار سیمینارکا انعقاد تین سال بعد کیا جا رہا ہے، جس کی دیگر وجوہات کے علاوہ ایک بڑی وجہ کورونا کا وبائی مرض ہے۔
Swat