سوات پولیس کی کارروائی، محکمہ ایکسائز کا جعلی آفیسر گرفتار

(باخبر سوات ڈاٹ کام)سوات پولیس نے محکمہ ایکسائز کے جعلی آفیسر کو گرفتار کرلیا۔ کبل پولیس کو اطلاع ملی تھی کہ ایک شخص اپنے آپ کو محکمہ ایکسائز کا افسر ظاہر کر رہا ہے، جس پر پولیس اس کو تھانہ لے گئی۔ اس کے ساتھ محکمہ ایکسائز کا کا رڈ موجود تھا، جس پر پولیس نے محکمہ ایکسائز سے رابطہ کیا، تو انہوں نے کہا کہ اس نام کا کوئی بندہ ان کے پاس محکمہ میں نہیں۔ پولیس نے محمد زید ساکن لالازار کالونی پشاور کو گرفتار کرکے اس سے پستول اور جعلی کارڈ برآمد کرکے اس کے خلاف مقدمہ درج کردیا۔