(باخبر سوات ڈاٹ کام)نارتھ تنظیم نے مدین کے علاقوں دا ملئی، دامانہ، کلہ گرام اور آریانہ کے افراد کے لیے آفات کے خطرے سے بچاؤ کی منصوبہ بندی کے عنوان پر تربیتی ورکشاپس کا اہتمام کیا۔ ان تربیتی نشستوں میں ہر دیہات سے مختلف طبقے اور شعبہ زندگی سے تعلق رکھنے والے 15 افراد (کل تعداد 60) نے شرکت کی۔ شرکا میں طلبہ، دکاندار، کسان، مزدور، اساتذہ اور کونسلر شامل تھے۔ اس کے علاوہ 20 خواتین کے لئے علیحدہ تربیتی ورکشاپ منعقد کی گئی۔ ان ورکشاپس کا مقصد، آفات میں خطرات سے ممکنہ حد تک بچاؤ اور منصوبہ بندی پر کمیونٹی کو آگاہ کرنا تھا۔